نكت ليبية
الأول : تجي نديرو آفاري ؟ .. الثاني : كيف ؟ .. الأول : أنتا تعطيني نص الفلوس اللي معاك وأنا ناخذ منك النص الثاني.
في ثلاث طلبة عندهم امتحانات ,, و هما سينسة مش قارين شي قالو انخشو على البركة و خلاص و اي واحد يعرف حاجة ايقول للثاني الهم جاهم سؤال : كــم عدد ارجل النعجة ,, ما عرفوش ,, اثنين سلمو وراقيهم و واحد اقعد ,, بعد ما تم الوقت ,, قالوله علاش ما قلتناش كم عدد ارجل النعجــــــة,,, قاللهم و الله ما فيها كيف المراقب كان حنبي ما اقدرتــــش انطلعها النعـــــجة
في رجباني و يباني تعاركو ,, امشي اليباني اضرب الرجباني ارقد في المستشفى ثلاث ايام بعدها جاه قاله شنو الحركة هادي قاله اليباني حتى تيكواندو,,, المهم امشي الرجباني اتمرن و جي اتعاركو مرة تانية ,, اليباني اضرب الرجباني ارقد في المستشفى ثلاث ايام ,, بعدها جاه قاله شنو الحركة الجديدة ,, قاله اليباني حتى هيا كاراتي ,, امشي اتمرن الرجباني و جي .. اتعاركو مرة ثالثة,, الرجباني اضرب اليباني رقده في العناية ثلاث شهور .. بعدها جي اليباني قاله ما اتقوليش شنو الضربة هادي... قاله هادي لا تيكواندو لا كاراتي ,, حتى هوا كـــريك هونداي
قالك في زوز رجبان امعكسين تحت ناطحة سحاب ايشوفو في حاجة نازلة من فـــــوق الجماعة مدت ايديها بي تتلقى ،، يحسابوه شنطة و الا تيزتان... طاح عليهم دولاب امهني
واحد رجباني القي بــراد شاهي.. حكــــه اطلعله مارد قاله اطلب شنو تبي ..قاله نبي تبنيلي كوبري من الرجبان لي امريكا ,,, قاله لالا يا راجل اطلب حاجة ساهلة شوية ,, تي شنو كوبري من الرجبان لي امريكا,,, قاله باهي نبي ليـــبيــا تربـــــح البرازيــــل,,,, قاله المارد ما قوتليش تبي الكوبري ــــ مشي و جي و الا مشي بس
في واحد خاطم و عنده حمار ماشي بيه ,, القاه صاحبه ,, اقعد يتسهوك عليه ,, قاله تعرف يا راس و الله اعرفت حمار و انت ما اعرفتكش.... قاله عادي ,, الحميـــــر تعرف بعضها
في واحد ترهوني امشي لي طرابلي القي خلاط امتع عصير قامه و اقعد يفحص فيه ما يعرفاش شنو هوا قال و الله لما نشري واحد و اروح بيه... المهم روح بيه للبلاد ,, جابه للجماعة حطوه في النص ,, و دارو عليه دورة ,, و يفكرو فيه شنو هوا,, بعد سعتين و الا ثلاث ناض اذكى واحد فيهم على اساس ,, قاللهم و ربي الكعبة ما يطلع الا غسالة شخاشير
في دكان ايبيع في السلع المحلية بالدركة ,, المهم مرة جيت ازمة طمام في البلاد ,, الدكان ازحم زحمة صح ,, و حاط الطمام فوق في اخر رف و السقف عالي ,, اتشحوير ,, الهم جي الاول قاله اعطيني حكة طمام ,, جابله و انزل ,, الي بعده قاله اعطيني حكة طمام ,, اركب جاب و انزل ,, الي بعده نبي حكة طمام ,, صاحب الدكان قاللهم علاش اتشحوير ماهو قولو مع بعضكم و اني فوق ,, اركب امش قال للرابع شنو حتى انت تبي حكة طمام ,, امشي انزل .. قاله املا انت شنو تبي ,, قاله الرابع اني نبي حكتين مش حكة وحدة
في جامعة وفد من سوريا جاية طرابلس ,,, امشي وحدة من سوريا بتتعرف على ليبي من طرابلس قالت : انا ســـورية من حــــلب قاللها : انـــا سروال من جـــــامع الصقع
في واحد ناض من النوم القي ايده زرقاء امشي للدكتور ,, قاله هدا ورم خبيث لازم انقصو ايدك ,, قاله باهي.. امشي الدكتور قصله ايده تاني يوم ناض الراجل الي رقبته زرقاء ,, امشي للدكتور نفسه ,,, قاله لازم انقص رقبتك .. قاله الراجل شنو هوا تي برا يا راجل,, امشي قال احسن برنامج نمشي انعالج برا خيرلي ,, امشي سافر برا امشي للدكتور .. قاله نوضت من النوم القيت رقبتي زرقاء شافه الدكتور ,, قاله برا اغسل رقبتك .. طالــقة عليها رقبة السورية
في اعمى خاطم في الشارع.. امشي شدت عليه سيارة فرينو اقريب ضرباته ,, اقعد اعيط ايه تي شوطه شوطه اقتل عمه
ابلة سألت طالب قالت له ,, عندك 5 دينار و اخد منك خوك دينارين و نص ,,, قداش يقعد عندك,,, قاللها ما يقعد عندي شي ,, قتله كيف قاللها و الله ما يقعد عندي حاجة ,, قتلها توا بتعرف الحساب احسن مني قاللها توا انتي بتعرفي خوي احسن مني ,,
في فصل كله حمير و اغبياء ,, امشي قالت الابلة من ايقولي جملـــة اسمية,,,ناض الفلتة فيهم على اساس قال لها ( البـــكندا يشرب الشاي) قال له شاطر قمعز امشي قالت من ايقول جملة تانية ناض نفس الطالب قال لها: البـــكندا يشرب الشاي ) ,, قالت تي مش قلتها توا هادي قاللها لالا هادي الطاسة الثــانيــة
في بو بريس خاطم القي فهد ابدي ايسب فيه .. قال له الفهد تي برا يا بوريس اعقابها حتى انت ,, امشي قاله كانك راجل تعال وراء الشجرة ,, امشي شده طاق طيق اطلع الفهد من غير عيون,, شافه النمر قاله خيرك ,, قاله بوبريس دارلي هكي ,, قاله بوبريس تي وينه ,, جي البوبريس للنمر قاله كانك راجل حتى انت اطلع وراء الشجرة ,, اعلق عليه وراء الشجرة طاق طيق ,, اطلع النمر حاله ,, شافهم الاسد قاللهم تي خيركم,, قالوله بوبريس ,, قاللهم بوبريس دار فيكم هكي تي وينه,, جاه البوبريس قاله حتى انت يا اسد كانك راجل اطلع وراء الشجرة جاه وراء الشجرة ,, امشي البوبريس ايقول للتمساح الي وراء الشجرة حتى هدا يا ولد عمي حتى هدا معاهم
في طالب قالت له الابلة جيب بــوك .. امشي جي بوه قال لي الابلة خيره ولدي ,, قالت له ولد خروف غبي ما يعرف شي,., قال لها كيف ولد ذكي ,, قالت نسأله سؤال كان جاوب ولدك ذكي ,, قالت للولد برا دور عليا لوطى ,, امشي الولد دور دور و ارجع،،ـ قاللها يا ابلة دورت عليك في المسرح و حجرة المدرسات ما القيتكش ,, اتلفت له بوه و يضربه كف .. قال له تي برا شوفها في الادارة يا حمــــار
واحد اعمى ماشي للعرس ارفع مع ولده قاله كان الجماعة يأكلو بسرعة انخصني باش الحقو معاهم,, امشي الاعمي عكس مع جماعة بدالي و هابي ,, اقعد ياكل بسرعة الولد اتحشم ابدي ينخص في بوه ,, و الشيابني طايح ليه ليه و الولد بنخص,, امشي الشايبني لوح الكاشيك و قام الصونية ,, قاللهم تي غيـــر صلو على النبي يا جماعة بشوية
في مراءة ديما اتعيط على راجلها .. في حوش بوي ديما نمشي للسوق في حوش بوي ديما نشري في حوايج ,, شاديتله 24 ساعة حوش بوي ,,, حوش بوي,, اتكنطى منها ,, قاللها و النبي هيا بدلي حوايجــك ,, قتله وين للســوق ,, قاللها لالا ,, لي حوش بــوك
في واحد رجباني ــ ما نبوش انقولو ترهوني باش خوتنا التراهنة ما يزعلوش ــ المهم في واحد رجباني ماشي ايهيج في طرابلس امشي طاح تيزتانه يعني محفضة,,, امشي للمركز قاللهم راح تيزتاني فيه 1000 دينار,,, امشي اعطوه الف دينار تعويض ,, روح لصاحبه قاله اضحكت عليهم قلتلهم ديزتاني فيه الف دينار و راح اعطوني الف دينار امشي صاحبـــه للمركز قاللهم تيز تاني راح معاش القيته,,,, قالولــه شنو كان فيه ,,, قاللـــهم ــــ حــوازة و حــــوش على دورين
في واحد مراته حامل امشي قال كاني جاني ولد بأنسميه مبروك,, امشي مراته جابت ولد ,وجت الممرضة اتفرح فيه قتله الف الف مبـروك قاللها قمــطي و حطــي في الســـيارة
في طالب روح لي بوه ناتشه الاستاد من ودنه امشي جي ولئ امر الطالب ,, قال للاستاد خيره ولدي,,, قاله يتسهوك ,, انقوله ارسم منضر طبيعي ايقولي تبيه غروب و الا شروق في شجر و الا ازهار كبار و الا صغار,, امشي الراجل قاله لالا يا استاد ولدي شاطر امورقله،،، الاستاد قال لي الراجل تعال اوقف بحدا الباب و خنس لي ولدك,, امشي الاستاد نوض الولد و بوه لابد بحدا الباب ,, قاله ارسم منضر طبيعي ,, قاله الولد كيف يا استاد غروب و الا شروق سيف و الا شتاء ربيع و الا خريف ,, امشي بوه اتكنطي خش للاستاد قاله و النبي تنتــشه و الا ننــتشه اني
في واحد امشي للعيادة عنده سن فيه سوسة امشي قال لي الدكتور و النبي نحيهم كلهم و خليه هوا بروحه زي الكــلب
واحد امشي للدكان قاله و النبي صرفلي الدينار اربعة ارباع ,, قاله ارباع ,, برا تو تلقاهم تحت الكوبري
واحد عنده دجاج خاطم بيه من الرجبان لي طرابلس و هوا ماشي وقفوه البوابة الاولى ,,, شنو عندك ,, قاللهم عندي دجاج ,, شنو اتوكل فيه قاللهم شعير ,, قالوله يا حمار اتوكل في الدجاج الشعير و الناس مش لاقية تاكل ,, اعطوه طريحة اقريب قتلوه,, جي من البوابة الثانية شنو عندك ,, عندي دجاج ,, شنو اتوكل فيهم .. قاللهم كناسة ,, قالوله اتوكل في الدجاج الكناسة بعدين اتبيع فيه للناس ,, اعطوه طريحة ,,, جي للبوابة الثالثة , قالولـه شنو عندك ,,, قال دجاج , قالوله شنو اتوكل فيه ,, قاللهم من الاخير نعطي فيه في مصرو ف و يمشي يشري بروحه
في واحد عنده دجاج ما ايدحيش بكل ,, جاهم يوم متكنطي قال غضوة الي ما نلقهاش امدحية على اقل خمسة دحيات بندبحها ,, اليوم التاني جي شاف الاولى القي تحتها ستة شاف الثانية الي تحتها سبعة شاف الثالثة الي تحتها وحدة ,, كيف جاب الموس بي ايجر عليها ابدت اتصيح اتقوله,,, اني سردوووووك سردووووك (ديــك) مش دجاجة
واحد قال لي بوه اعطيني خمسة دينار بأنديــر دورة ,,,, قالــه خود دينارين و و قص قصــان
فيه ابلة تشرح للطلبة درس الاتحاد قوة امشي نوضت طالب اسمه ابو عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة العصى,,قالت توا بنعطو ابو عجيلة عصاتين مع بعض,, طربق بوعجيلة العصاتين ,,,بعدين قالت توا بنعطو بوعجيلة الحزمة كلها ما يقدرش ايكسرها ,,,امش طربق بوعجيلة الحزمة كلها,,,قتـتله افلقــت الدرس يا بوعجيلة
مراءة ليبية امشت من سيربح المليون امشي علقت في سؤال طلبت استعانة بصديقة,,اتصل جورج قرداحي :الوو اخت فاطمة ,,معاك جورج قرداحي من برنامج من سيربح المليون ,,قتله و النبي سكر من غير اتســهويك
واحد ماشي في الطريق و عنده بيحــو القي واحد عنده مكسمة امشي قاله شنو رايك انديرو افاري ,,قاله صاحب المكسمة تي شنو تحسابني خروف انبدل مكسمة بي بيجــو ,,قاله صاحب البيجــو هادي فيها سر امشي اضرب على الكوفني اطلع مارد قاله برا جيب شاهي و كاكوية... امشي صاحب المسكمة افرح ,, بدلو لي بعضهم,, روح صاحب المكسمة بالبيجـو قالوله اهله يا مهبول اتبدل مكسمة بالبيــجو ,,,قاللهم هادي فيها سر اشرب على الكيفنو جاه المارد قاله جيبلي 2 ليبو ز 1 مكسمة ,,قاله المارد أسف اختصاصي شاهي و كاوكية بس
في مصري امشي للجزار قاله اعطيني لحمة بجنيـــه قاله الجزار هاك الحس الشيـــــتة
واحـــد قتله الابلة ارسم فيل امشي ارسملها نقطة قتله وين الفيـــل يا فرخ ..قاللها ما اتشوفيش فيه جاي من بعيد
سكران طاح من فوق عمارة قالوللــه لابس شنو صار قاللهم و الله ما ني عارف حتى اني كيف واصل
واحد طاح من فوق الحيط قالوله جاتك سليمة قاللهم قوللها اتخش المربوعة توا انجي
في شيباني ليبي امشي من سيربح المليــون امش سأله جورج قرداحي قاله من جاي معاك ,,, الشيباني قاله أمـــي ,, امشي جورج قرداحي قاله عنــجد أمـــك ,,(يعني بجديات).. قاله الشيباني عنجـــد بـــــوك
سكران خاطم من قدام عزاء .. حالة وفاء يعني قال الي اهل الميت ما فيش امل يرجـــع
واحد سكران طينة امعكس في الشارع في الليل القي سوادني شاد شكاير كناسة قاله ربي ايصون
واحد خاطم من الشارع يسمع في التخبيط طاق طيق اوصل لي راس الشارع القي الجماعة بلعبو في كارطة بالزينــقوات
سكــرا صلى بروحه فاتته ركــــــعة
مره غبيه لقت في بطاقة راجلها مكتوب (رجل أعمال) مسحتها وكتبت راجل خيريه
واحد خواف هلبا طلعله جني في الليل وهو مش حافظ شي من القرأن..قال:طلع البدر علينا
مره غبي يسأل في خوه:الثعلب يلد ولا يبيض..رد عليه:الثعلب مكار اتوقع منه اي حاجه
فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش
شنو الفرق بين العنزة الجاهلة والعنزة المتعلمة؟ العنزة الجاهلة اتقول ماء اما العنزة المتعلمة بتقول يد2أ(الرمزالكيميائى للماء)
فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى
واحد تعرف على بنت قاللها شنى اسمك قتله -وعد- قاللها والله مانى مقايل لواحد
مرة واحد قالوله البحر غدار عدى وشال معه مسدس
واحد يبي يتزوج قال لامه نبيها بيضة وطويلة وتخدم جابتله ثلاجة
مرة واحد تعارك مع امه جابلها طانطة(شاحنة) حليب وقاللها هذا الي بيني وبينك
مرة في واحد أهبل يحط في بوه في القبر و يضحك قالوله خيرك قاللهم ذكرني بالبورديم
غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو
مرة غبي ماشى هو وصاحبته قالتله حى بابا ! قاللها ارزنى توا انقوله اختى !؟
وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله
مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى
مرة في واحد بخيل جاه ولده قاله يا بوي نبي 5 جنيه قاله بوه : اه شن تبي 4 جنيه !و شن بتدير بالتلات جنيه ؟بتاخد شكلاطة متع زوز جنيه ..هاك خود اجنيه
في واحد شري خروف العيد,,, روح بيه للحوش ولما بينزله من السيارة قعد ينادي يا جمعة يارجب ياخليفة يا مسعود… قاله الخروف تباهي شهدرت بيا توا ننزل بروحي
قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة
التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار
جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا
وحدة دلوعة تزوجت واحد كاسح .. قالتله: عمرك ما قلتلي كلمه حلوه … قال : حلوة حليب
قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل
مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب
وانبطح الحمار وغردت الزرافه وطار الفيل فوق الشجره واجتمع الاحبه الاسد والغزال ونهقت الحمامه وطربت العصافير ورقص القرد مع الديك غبي يحاول يكتب قصص اطفال
المعلم لتلميذ:اجمع كلمة لص…..التلميذ:عصابة يا أستاذ
طبيب الأسنان للمريض : اعلاش تصيح .. قاعد ممسيتش سنونك ؟قاله انت عافس على رجلي
قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه
المريض لطبيب العيون : فعلاً النظارة فضيعة ارتاح النظر فيها .. فقال الطبيب: وترتاح أكثر لما انديرلك فيها مرشات
شخص بارد جداً تزوج مراة بارده جداً جابوا ولد ابرد منهم دار روحه ميت
واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها
واحد بنا حوشه بشكل دائري باش مرته ما تقولش حابسني بين أربع حيوط.
بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟
شخص نادر تزوج امرأة نادرة .. جابوا ولد مهدد بالانقراض ..
وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة
في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه
أعمى أجرى عملية ناجحة لعيونه .. ولما بدي يشوف انشل من الفرحه
غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)
مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك
واحد.. فضولي شاف حادث قللهم وسعوا إنا بوأ الميت !ولما وسعوله طلع الميت حمار
عالم كيمياء.. جاه ولد سماه ســـــــــــامي أكسيد الكربون.
قمة الوفاء: نملة تزوجت فيل ولما مات قعدت طول عمرها تدفن فيه
واحد قال لي بوه أعطيني خمسة دينار بأنديــر دورة ,,,, قالــه: خوذ.. دينارين و وقص قصــان
الأول : كيف تقول لشخص أجنبي تعالي هنا بالإنجليزي ؟ … الثاني : نقول له كم هير… الأول : وكيف تقول له بره غادي بالإنجليزي ؟ .. الثاني : نمشي غادي ونقول له كم هير.
